Debako paduretan mendebaldeko ur-arratoia (Arvicola sapidus) agertu da!

Debako paduretan mendebaldeko ur-arratoi (Arvicola sapidus)  bat behatu izan da, paduretako eta itsasadarraren ingurumen-kalitatea hobetzen ari den seinale

2017ko Hezeguneen Munduko Egunaren ospakizunaren harira...

Debanaturak azken urteotan, Debako itsasadarrean eta paduretan, neguan burutzen ari den hegazti urtarren erroldarako behaketetan ezuztekoan ur arratoiaren ale bat ikusi dugu, argazkiak egiteko aukera izan dugularik ere. 

 

Zalantzarik gabe, sekulako albistea da: Debako itsasadarra eta paduretako ekosistemen kalitatea hobetzen eta biodibertsitatea berreskuratzen ari dela adierazten du.

 

 

Eusko Jaurlaritzatik 2011n burutu zen azken azterketan jasotako datuen arabera espeziea desagertutzat jo zuten. Geroztik, Gipuzkoan aurkitu zen lehenengo alea 2013. urtean Txingudin izan zen.

Gipuzkoan ikertutako puntu guztietana ez omen zen espezierik ez bere arrastorik hauteman, nahiz eta historikoki espeziearen arrastoak egon. Hal eta guztiz, ikertzaile batzuk diotenez, aztertu gabeko edo sakonki aztertu ez ziren euskal kostaldeko hezeguneetan espezie horren biztanleria txikiak bizirauteko aukera bazegoela.

                                                                              

Debanaturak Deba itsasdarrararen Hezeguneen alde egindako lanaren emaitza
Debako paduretan, toki zehatza ez dugu argitaratuko,  aurkitutako mendebaldeko ur-arratoiaren ale hau garrantzi berezia duela deritzogu. Izan ere, kostaldeko biztanleria txiki horiek bizirik dihardutela adierazten du, eta 2008. urtean Eusko Jaurlaritzako Ingurumen eta Lurralde Politika Sailak Debako padurak berreskuratzeko burutu zuen proiektuaren ostean,  azken hamarkadan Debanaturak aurrera eramandako askotariko ingurumen boluntariotzako lanak bermatzen ditu.
 

Urrakortasuna

Ur-arratoia Arvicolinae azpifamiliako ohitura erdiurtarreko karraskaria da. Hortaz, lursagu bat da berez, eta ez arratoi bat. 150 eta 300 gramo artean pisatzen du eta 22-23 zentimetro inguruko luzera izan dezake (buztana kontuan hartu gabe, 15 zentimetro neurtzera iritsi baitaiteke). Alboetan ile marroixka du, eta grisaxka sabelean. Hiru urte inguruko bizialdia du, baina asko lehenengo urtean hiltzen dira. Bizi den zonalde hezeetan urte osoan zehar aurki daitekeen belar freskoaz elikatzen da soil-soilik.

Mendebaldeko ur-arratoia urrakor gisa izendatu dute estatu (Espainiako Lurreko Ugaztunen Liburu Gorria) zein mundu mailan (IUCNren Zerrenda Gorria). Antza denez, karraskari erdiurtar hori pixkanaka desagertzearen arrazoiak bere habitata aldatu eta suntsitu izana dira, batez ere eremu hezeak eta ur-bazterrak, bai eta paisaia aldatu izana edota nekazaritza-jarduketa tradizionalak alde batera utzi izana ere.